Outra dorna polbeira construída por Domingo Ayaso, neste caso no ano 2008, que acabou nas mans de Tino, un dos nosos socios máis activos, quen no 2020 foina buscar a Caranza (en Ferrol) –de aí o seu nome–.

A dorna viña de estar en seco –e non moi ben coidada– durante algúns anos e debido a iso tivo que pasar novamente por Aguiño (polas mans de Domingo) para facerlle algunhas reparacións no casco e a cuberta. E se a iso lle sumamos o cariño do seu novo propietario, o resultado da recuperación non pudo ter sido mellor. Pasou de estar na U.C.I. a participar en canta regata de dornas se celebra.

Longa vida e moitos triunfos para a Caranzeira!