Xa podemos deixar de chamarlle “a dorna nova”, xa que a semana pasado decidimos que se vai chamar Milucha. O caso é que Milucha vai pouco a pouco collendo cor e nuns días estará lista para volver ao mar, despois de demasiados anos (6 ou 7) malvivindo en terra.
Así estaba a dorna cando a fomos a buscar a Beluso en decembro.
Unha vez en Portonovo o primeiro que fixemos foi comezar a rascala enteiriña.
Despois tocou lixala a conciencia.
Feito isto, aplicar sicaflex nas xuntas das táboas e reconstruir as partes da cubierta aprodecidas.
E finalmente pintar e dar patente.
E así está a día de hoxe, agardando ansiosa a que chegue a próxima fin de semana para voltar ao seu lugar, o mar.