Pouco a pouco as tardes de agosto van pasando e parece que o verán vai chegando ao seu fin, pero antes de que iso aconteza aínda nos quedan algunhas millas máis por navegar neste “Mar de Diversións”.

Con unhas e con outras xa estamos finalizando a terceira semana de curso, e aqueles grumetes que coñecemos hai 20 días son xa mariñeiros, ou auténticos patróns, no caso dos “veteranos”.

Da gusto ver como persoas que nunca tiveron relación coas embarcacións tradicionais nin a navegación a vela en poucos días conectan con este movemento. Entusiasmo así é o que nos motiva a seguir medrando.

Pero non todo van ser leccións e cousas serias. Dentro de “Mar de Tradicións” tamén hai tempo para a diversión. Ou mellor dito: dentro de “Mar de Diversións” tamén hai tempo para a tradición. E con ese pretexto hai un par de días Anxo decidíu que os alumnos baixasen velas e sacasen remos para participar nun dos xogos populares da Día do Can, a regata de chalanas, que este ano foi de dornas.

En definitiva, a escola deste ano está dando para moito. E outro tanto que lle queda! Porque a tempada de navegacións e festas aínda garda citas importantes. A primeira delas esta mesma fin de semana en Combarro, a onde nos desplazaremos cos todas as dornas e unha tripulación con gañas de pasalo ben.

E agora a descansar, que mañá toca travesía!